M.Ben
“Ziramoka zitaryana” Miss Mutesi Jolly uri gushyirwa mu majwi yo kugambanira Prince Kid, yavuze amagambo akomeye cyane ku biri kuzenguruka hanze aha.
Abinyujije ku rukuta rwe rwa X yahoze yitwa Twitter, Jolly yatangaje amagambo akomeye cyane ku biri kuzenguruka ku mbuga nkoranyambaga.
Mu bika bitatu, Mutesi Jolly yatangaje ko bibabaje kandi biteye agahinda kubona hari abakibasira abakobwa bagerageje kurwanira uburenganzira bwabo.
Mu gika cya mbere agaruka ku bantu bashaka kuzibisha abakobwa bakiri bato bageregeje guharanira uburenganzira bwabo.
Mu bindi bika, yasabye abakobwa guhagarara bemye bakarwanira uburenganzira bwabo bititaye ku bafite imbaraga bashaka kubazibisha aho yabagereranyije nk’imbwa zimoka ariko zitaryana ndetse anibutsa abakora ibyo yise ihohotera ko atari cyo gihe cyo gufata ibirwanisho ahubwo ni gutuma abari n’abategarugori bazabakurikira, bakomera.
Jolly yavuze ibi nyuma y’iminsi ashyirwa mu majwi n’abakoresha imbuga nkoranyambaga bavuga ko ari we wihishe inyuma y’ikiswe “Akagambane” kakorewe Ishimwe Dieudonne uzwi nka Prince Kid wateguraga irushanwa rya Nyampinga w’u Rwanda.
