HARAGIRIMANA Dieudonne
Aho ibihe bigeze hari abakinnyi bamaze gukora amateka yo guhindura amakipe, muri iyi mpeshyi ya 2022, aho amakipe akomeye y’uburayi amaze kwibikaho abakinnyi bakomeye.
5. Phillipe Coutinho muri Aston Villa.
Nyuma yuko Phillipe Coutinho atijwe Aston Villa avuye muri Liverpool, mu kwezi kwa gatanu uyu mwaka Aston Villa yafashe umwanzuro wo kumugumana kugaciro ka Miliyoni 17 z’amayero.
4. Ivan Persic muri Tottenham Hotspur.
Ivan Persic yahakanye ko yakongera amasezerano yari afite mu ikipe ya Inter Milan yo mu butariyani ahitamo gusanga Antonio Conte usanzwe utoza ikipe ya Tottenham Hotspurs.
3.Aurelién Tchouaméni muri Real Madrid.
Uyu mufaransa usanzwe ukinira ikipe ya AS Monaco nubundi yo mu bufaransa, yamaze gufata umwanzuro wo kujya mu ikipe ya Real Madrid yabaye ubukombe ku isi hose.
Aurelién Tchouaméni akaba yarahawe amasezerano azageza mu mwaka wa 2027, aho yahawe amafaranga angana na Miliyoni 80 ndetse hakongerwamo n’inyongezo zikageza kuri Miliyoni 100 z’amayero.
2. Antonio Rudiger muri Real Madrid.
Uyu musore w’imyaka 29 ukina mu mutima w’ubwugarizi yavuye muri Chelsea rugikubita atangazako yerekeje muri Real Madrid aho yiteguye guhanganira umwanya na David Alaba, Edel Militao ndetse na Nacho.
1.Erling Haaland muri Manchester City.
Uyu musore w’imyaka 21, yakoze amateka ava mu ikipe ya Borussia Dortmund yo mu budage yerekeza mu ikipe iherutse gutwara Premier league ariyo Manchester City, ku gaciro ka Miliyoni 65.7 z’amayero.
