Zabayo wa Gikundiro WFC yongeye kwandagaza ikipe ayitsinda wenyine

Ikipe ya Rayon Sports WFC ikina mu kiciro cya kabiri mu bagore ikomeje kwandagaza amakipe yo muri iki kiciro, dore ko itajya itsinda ibitego bike.

Kuri uyu wa Gatatu tariki 22 Gashyantare 2023, Rayon Sports WFC yatsinze ikipe ya Macuba WFC ibitego 4-0, harimo 3 bya rutahizamu Zabayo ndetse na 1 cyatsinzwe na Judith.

Hari mu irushanwa ry’igikombe cy’amahoro ryakomezaga kuri uyu wa Gatatu. Iyi kipe ya Rayon Sports ikomeje kwigarurira imitima y’abatari bake kubera ubwinshi bw’ibitego itsinda, kugeza n’aho ijya itsinda ibigera kuri 12 mu mukino umwe.