Yigize umuntu ufite ubumuga atangira gusabiriza, ahura n’akaga gakomeye

Umugabo wo muri Kenya yihinduye umuntu ufite ubumuga bw’ingingo maze akajya yicara mu kagare k’abamugaye akigira nk’umugaye,ndetse akajya asabiriza nyuma ubwo bamuvumburaga bamukoreye agashya.

Abakoresha imbuga nkoranyambaga batangaye cyane nyuma yo kubona videwo y’umuntu usabiriza avuga ko yamugaye kugira ngo abone amafaranga

Mbere yuko amayeri ye agaragara, yakambikaga mu mihanda irimo abantu benshi i Mombasa yicaye mu kagare k’abamugaye maze asabiriza rubanda nabo si ukumugirira impuhwe zaramufasha.

Ariko, wa mugani koko iminsi y’umujura ni mirongo ine byageze ubwo bamwe mu baturage bamenye ko atamugaye.

Bahise bamufata baramukubita ndetse bamutegeka kuva mu kagare yicaragamo ,maze ahita aba muzima ariruka.