Yigana n’umwana we! Niyitegeka Gildas w’imyaka 41 yafashe icyemezo cyo gusubukura amasomo yari yaracikishije mu mwaka wa 1998 (AMAFOTO)

Umugabo witwa Niyitegeka Gildas w’imyaka 41 wo mu Karere ka Burera, yafashe icyemezo cyo gusubukura amasomo yari yaracikishije kera.

Ubu arimo kwigana n’umuhungu we mu mwaka wa Kabiri w’amashuri yisumbuye, S2 mu rwunge rw’amashuri rwa Ndago, akagira inama abakuze batize ko bakwiye kumufatiraho urugero.

Niyitegeka afite umugore n’abana 6, batuye mu Murenge wa Rusarabuye i Burera. Uyu mwaka  nibwo yasubukuye amasomo yacikishirije mu mwaka wa 1998.