“Yari azi ko azitahira” Mushiki wa Yvan Buravan yavuze ko musaza we yari yamubwiye ko agiye gupfa

Raissa, mushiki umwe rukumbi wa Yvan Buravan yavuze ko musaza we yari umukirisito ndetse anahishura ko yari azi ko azitahira.

Ibi Raissa yabivuze mu gitaramo cyo kwibuka Umuhanzi Yvan Buravan witabye Imana mu Buhinde azize kanseri y’urwagashya.

Raissa yavuze ko Yvan Buravan yari azi ko azataha kuko ubwo yizihizaga isabukuru y’imyaka 27 yabimubwiye, amubwira ko yumva hari ikintu gikomeye kizamubaho ariko atazi icyo ari cyo.

Raissa yavuze ko Yvan Buravan yari afite inzozi zo kuzuza Kigali Arena gusa yatabarutse atabikoze, mushiki we akaba yavuze ko ikivi cye azacyusa.