Uwihirwe
Yari aruhekeyeho umwana! Polisi yafashe umugore uhetse udupfunyika tw’urumogi 1018
Ku bufatanye n’abaturage polisi yafashe umugore w’imyaka 23 wari wambariye ku dupfunyika 1018 tw’urumogi ubundi ahekeraho umwana.
Yafatiwe mu Mudugudu wa Rususa, Akagari ka Rususa, mu Murenge wa Ngororero, ku wa Gatatu tariki ya 8 Ugushyingo ahagana saa sita z’amanywa, mu modoka itwara abagenzi (minibus) yavaga mu Karere ka Rubavu yerekeza i Muhanga.
Amaze gufatwa yavuze ko yari ajyanye urwo rumogi ku mukiriya uba mu Murenge wa Ngororero, mu Kagari ka Kazabe ariko akaba atazi amazina ye, ngo yari yatumwe n’undi mucuruzi wo mu Murenge wa Kanama, mu Karere ka Rubavu, wari bumwishyure ibihumbi 10Frw nyuma yo kurumushyikiriza, yanamutegeye.
Polisi yibutsa abantu bose kwirinda kwishora mu bikorwa nk’ibyo byo gucuruza ibiyobyabwenge kuko uzafatwa atazihanganirwa.
