Yapfuye Bubeba! Umukobwa yanyweye ikinini cy’imbeba kimuraha ivu

Mu gitondo cyo kuri uyu wa Gatatu tariki ya 1 Werurwe 2023, Umukobwa witwa Uwayezu Claudine uri mu kigero cy’imyaka iri hagati ya 20 na 22 wiyahuje ikinini cy’imbeba bikamuviramo urupfu.

Ibi byabereye mu Mudugudu wa Rusebeya, mu kagari ka Nyambare, mu murenge wa Cyumba, Akarere ka Gicumbi, aho bivugwa ko yiyahuye kubera kutumvikana n’ababyeyi be.

Uwatanze amakuru yavuze ko uyu mukobwa n’ubusanzwe yari asanzwe atabanye neza n’ababyeyi be kuko hari igihe atararaga mu rugo.

Umunyamabanga Nshingwabikorwa w’Umurenge wa Cyumba, Nkundabera Slyvestre, avuga ko uyu mukobwa  yariye ikinini cy’imbeba ariko akaba yahise ajyanwa kwa muganga ariko nyuma akaza gupfa.