Philcollens
Yanze kwitabira ubutumire bw’ikipe y’igihugu none yibereye hano mu Rwanda azareba umukino nk’abandi bafana bose b’Amavubi
Ku munsi wejo hashize nibwo twabatangarije ko myugariro Manzi Thiery na Mugisha Bonheur bakinira ikipe y’igihugu y’u Rwanda Amavubi ndetse na Al Ahly Tripoli, batazaza gukinira u Rwanda ubwo ruzaba rukina na Senegal.
Amakuru YEGOB dufite ni uko Manzi Thiery ndetse na Mugisha Bonheur nyuma yo kwimwa itike ibazana gukina hano mu Rwanda bagahita bafata umwanzuro wo kutazitabira ubutumire bw’Amavubi, bahise bitegera indege baza mu biruhuko hano mu Rwanda kuko ikipe yabo ntamikino bafite kugeza ubu.
Aba bombi bamaze iminsi bakina imikino mpuzamahanga ihuza amakipe y’Abarabu bahuriyemo n’ikipe ya Al Nasir ikinamo rutahizamu Cristiano Ronaldo, kuba bari hano mu Rwanda bivuze ko nabo bazareba umukino w’Amavubi nk’abandi bafana bose.
