Wa musore utakirya ngo anaryame kubera gukunda Miss Naomie avuze ibyo Miss Naomie yamukoreye

Umusore witwa Rodrigue uba i Nyamirambo yavuze agahinda yahuye nako nyuma yo gukunda Miss Nishimwe Naomie (Miss Rwanda 2020) bakiri mu mashuri mato yo muri segonderi maze Naomie akaza kumwanga.

Nkuko uyu musore yabitangaje ku kiganiro yagiranye n’imwe muri Televiziyo zikorera kuri YouTube yavuze ko yakunze Miss Naomie cyane ku buryo bwageze aho yajyaga amubona maze ibyo yararimo gukora byose akabireka akaba ariwe arangarira gusa. Aha bigaga mu mwaka wa mbere w’ay’isumbuye (S1).

Rodrigue yakomeje avuga ko we na Miss Naomie baje gukundana ndetse urukundo rugakomera kugeza aho rwari ruryoshye bigaragarira buri wese.

Rodrigue yavuze ko kuva kera yabonaga Miss Naomie afite inzozi zo kuba icyamamare ari nabyo byaje gutuma batandukana kubera ko Rodrigue yari ataragafata.

Rodrigue yavuze ko kuri ubu nubwo Miss Naomie batagikundana ariko we kuri ubu akimukunda ndetse cyane.