HARAGIRIMANA Dieudonne
Nyuma y’imvura y’ibitego 16-0 Rayon Sports WFC yanyagiye Nyagatare WFC ,ku itariki 27 Ukuboza 2022 , kuri uyu munsi iy’ikipe itarinjizwa igitego na kimwe mu mikino itatu imaze gukina iraza gucakirana na Nasho WFC mu mukino wa kane wayo.
Ni umukino uribube kuri uyu wa kabiri ,tariki 03 Mutarama 2023 ,guhera saa munani z’amanywa ,kuri sitade ya Nyabubare ,aho iyi kipe ya Rayon Sports WFC na Nasho WFC ,ziraba zifatana mu mashingu hakarebwa niba Rayon Sports yongera kuhakura andi manota 9 ,cyane ko imaze kubikora inshuro 2.
Mu mukino uheruka nibwo Imanizabayo Florence yari yinjije ibitego 7 muri 16 Rayon Sports WFC yari yatsinze ikipe ya Nyagatare WFC ,mu gihe ibindi 3 byari byinjijwe na Uwanyirigira Sifa ,Scolastique agatsinda 2, , Uwiringiyimana Rosine, Niyonkuru Chance, Nyiransengiyumva Dorice, na Uwase Andersène, buri umwe akinjiza igitego.
Icyo gihe byatumye ikipe ya Rayon Sports WFC itahana amanota 9 ,ibasha no kwizigama ibitego 33 ikaba itarinjizwa igitego .
