Uwazamuye Jay Rwanda mu mideli yakoze ubukwe mu minsi ine itandukanye

Amir Mbera wazamuye Jay Rwanda ndetse na Moses washinze Moshions, yasezeranye n’umukunzi we Gladys mu birori byamaze iminsi ine.

Ibirori byatangiye kuwa kane tariki 7 Nyakanga, 2022, ubwo basezeranaga kubana nk’umugabo n’umugore byemewe n’amategeko.

Bukeye bwaho ku wa gatanu tariki 8 Nyakanga, Amir Mbera yagiye gusaba no gukwa umukunzi we Gladys mu birori byabereye muri Lycée de Kigali.

ku wa gatandatu tariki 9 Nyakanga, bagiye gusezerana imbere y’Imana muri Visenti Pallotti I Gikondo.

Bamaze gusezerana, ibirori byakomereje muri Lycée de Kigali aho n’ubundi bari basangiriye n’inshuti n’abavandimwe mu birori byabaye ku munsi wabanje.

Ku cyumweru tariki 10 Nyakanga, habayeho umuhango wo gutwikurura abageni, bibera mu rugo rushya rw’abageni ku Kakiru.