Uwari usigaye wo kubara inkuru nawe arapfuye! Umugabo wagwiriwe n’urukuta mu mvura yaguye i Kigali na we apfiriye kwa muganga akurikira umugore n’abana babo bo bahise bahasiga ubuzima

Umugabo wari uri kwitabwaho mu bitaro nyuma yo kugwirwa n’urukuta mu karere ka Gasabo mu Murenge Gisozi na we yitabye Imana.

Aje akurikira umugore we n’abana babo babiri na bo baguye muri ibi biza byatewe n’imvura nyinshi yaraye iguye mu Mujyi wa Kigali.

Ni imvura yaguye mu ijoro ryo kuri uyu wa Gatatu tariki 20 Nzeri 2023, aho ikimara kugwa urukuta rw’amabuye rwagwiriye inzu yari irimo ababyeyi n’abana babo maze umugore n’abana bahita bitaba Imana, umugabo ajyanwa kwa muganga none nawe ahise apfa.