Urutonde rw’abatoza bagomba gusimbura Arsene Wenger rwagiye ahagaragara

Nyuma yo kumara imyaka irenga icumi umutoza Arsene Wenger nta gikombe gikomeye atwaye ndetse akaba yarananiwe no gutwara Champions League, mu ikipe ya Arsenal abafana bakomeje gutangaza ko bakeneye impinduka y’umutoza wabo uko bucyeye uko bwije, babicishije mu birango bazana ku mikino yose ya Arsenal.

Nyuma y’iyo myivumbagatanyo igaragara aho umutoza Arsene Wenger aba ari, abasesenguzi bimbitse mu ikipe ya Arsenal nkuko tubikesha ikinyamakuru Dailystar cyo mu bwongereza, bashyize hanze urutonde rw’abatoza bashobora guhabwa akazi igihe cyose umutoza Arsene Wenger yaba yeretswe umuryango, cyangwa yaba atongeye amasezerano

Urwo rutonde ni uru rukurikira:

1. Ku mwanya wa mbere turahasanga umutoza Diego Pablo Simeone usanzwe atoza ikipe ya Atletico Madrid. 
2. Ku mwanya wa kabiri turasangaho umutoza Massimiliano Allegri usanzwe atoza ikipe ya Juventus de Turin yo mu gihugu cy’ubutaliyani.
3. Ku mwanya wa gatatu turasangaho umutoza Thomas Tuchel usanzwe atoza ikipe Borussia Dortmund yo mu gihugu cy’ubudage.
4. Ku mwanya wa kane turasangaho umutoza Leonardo Jardim, umunya Portugal utoza ikipe ye As Monaco mu gihugu cy’ubufaransa. 
5. Ku mwanya wa gatanu turasangaho umutoza Roger Schmidt, usanzwe atoza ikipe ya Bayern Leverkusen yo mu gihugu cy’ubudage.