Urukundo ni impumyi! Yafunzwe azira gukunda Rihanna

Umugabo utaramenyekana yatawe muri yombi azira gukunda byimazeyo umuhanzikazi Rihanna Fenty utwitiye umukunzi we Asap Rocky.

Uyu mugabo ukomoka muri South Carolina yatawe muri yombi ku munsi w’ejo ku wa Kane tariki 23 Werurwe 2023 ahagana saa 12:30 PM ubwo yuzuraga amarangamutima agapfumura akinjira mu rugo rw’uyu muhanzikazi.

Abashinzwe umutekano mu rugo rwa Rihanna ruherereye mu mujyi wa Beverly Hills bahise bamufata byihuse bamushyikira abashinzwe umutekano.

Umuvugizi wa Polisi ya Los Angeles yemereye Page Six ko uyu mugabo w’umwirabura yatawe muri yombi koko ariko ko iperereza ry’ibanze ryagaragaje ko nta ntwaro yari yitwaje kandi ko yifuzaga kwambika impeta uyu muhanzikazi.