Urubyiruko rugiye gukwirakwizwamo udukingirizo tw’ubuntu , abakobwa bafashwe kuboneza urubyaro

Guhera muri uku kwezi kwa Mutarama 2023 , mu gihugu cy’Ubufaransa ,urubyiruko ruratangira guhabwa udukingirizo ku buntu ,mu rwego rwo kwirinda ikwirakwira ry’indwara zandurira mu mibonano mpuzabitsina no kwirinda inda zitateguwe.

Ikinyamakuru Cnn dukesha iy’inkuru cyanditse ko urubyiruko rurebwa niki gikorwa ari ururi hagati y’imyaka 18 na 25 , mu rwego rwo kururinda kwandura indwara zandurira mu mibonano mpuzabitsina ,zirimo na Virus itera Sida.

Uretse abasore bazahabwa udukingirizo tw’ubuntu , abakobwa nabo bazafashwa ku buntu kuboneza urubyaro no guhabwa ibinini bibarinda gusama batabanje gusabwa uruhushya rwa muganga ,mu rwego rwo kwirinda inda zitateguwe nkuko byatangajwe n’umuvugizi wa guverinoma mu Bufaransa ,Bwana  Olivier Veran.

Guhera ku itariki 1 Mutarama 2023 ,abagore bose mu gihugu cy’Ubufaransa bari munsi y’imyaka 26 bahise bagira ububasha bwose bwo gukoresha ibinini cg ubundi buryo bubarinda gusama inda batateganije.