Undi mukinnyi witezweho gusimbura Diego Costa mu ikipe ya Chelsea yamenyekanye

Mu minsi ibiri ya Champiyona ishize niyo yonyine yeretse umutoza Antonio Conte ko ubusatirizi afite bwa Alvaro Morata na Michy Batshuayi budahagije mu kugirango iyi kipe yongere kwisubiza igikombe cya Champiyona ndetse initware neza muri Champions League, kubwizo mpamvu ubuyobozi bufatanyije n’umutoza bakaba bahise bihutira gushaka umukinnyi uzaza gutanga ubufasha ku busatirizi ikipe ya Chelsea.

Ubuyobozi bw’ikipe ya Chelsea bukaba bwohereje urwandiko mu ikipe ya Leicester City nkuko tubikesha ikinyamakuru The Times kugirango basabe uburenganzira bwo kugirana ibiganiro na rutahizamu w’ikipe ya Leicester City, umwongereza Jamie Vardy ku kayabo ka Miliyoni 35 z’ampound ndetse Chelsea ikaba initeguye kongeraho Miliyoni 30 z’ampound kugirango bazane na Danny Drinkwater. Umutoza w’ikipe ya Chelsea akaba yaragaragaje ko abonye abo bakinnyi 2 biyogereyeho Antonio Candreva yagira ikipe yifuza muri uyu mwaka w’imikino.