Philcollens
Umwe muri bo ashobora gusezererwa hatagize igikorwa mu maguru mashya! Umutoza w’ikipe ya APR FC Thierry Froger n’umukinnyi w’umunyamahanga bari kurebana ayingwe kubera impamvu ikomeye
Thierry Froger n’umukinnyi w’umunyamahanga ukomoka mu gihugu cya Sudan Sharaf Eldin Shaiboub ntabwo barimo kumvikana kugeza aho bishobora gutuma umwe muri bo ashobora gusezererwa.
Hashize iminsi uyu rutahizamu w’ikipe ya APR FC Sharaf Eldin Shaiboub atagaragara mu mikino myinshi ya APR FC aho bivugwa ko yirwaje nyuma yo kubona imikinire y’umutoza itarimo kumunyura ndetse yanagirwa inama agakomeza gutsimbarara kubye ari nabyo uyu mukinnyi avuga ko bituma APR FC itsinda abafana bihebye.
Byatangiye ubundi ubwo ikipe ya APR FC yakinaga na Pyramid FC ikanganya umukino ubanza ndetse uwo kwishyura uyu mutoza akanga gukora ibyo abakinnyi bari bamusabye gukina bagatsindwa 6-1. Uyu mukinnyi yarababaye cyane ndetse no kugaruka hano mu Rwanda ntabwo yazanye n’abandi bakinnyi bavanye mu Misiri kubera umujinya.
Kuva icyo gihe ntabwo uyu rutahizamu arongera kumvikana n’uyu mutoza cyane ko avuga ko ngo yamusuzuguye akanga kumwumva nka Kapiteni wungirije. Ubu igikomeje kwibazwa ni uko uyu mubano utari mwiza uri hagati y’umutoza n’umukinnyi uzarangira bitewe ni uko ibintu byafashe indi ntera.
