Kubwayo Mc croix
Ku wa kabiri ubwo ikipe ya Union Berlin yo mu Budage yakiraga ikipe ya Napoli yo mu Butaliyani mu mukino w’umunsi wa gatatu w’amatsinda muri UEFA Championns League, rutahizamu wa Union Berlin David Datro Fofana yanze gukora mu ntoki umutoza w’iyi kipe Urs Fischer ibi byatumye ahagarikwa icyumweru kimwe adakina.
Muri uyu mukino ikipe ya Union Berlin yatsinzwe igitego 1-0 byuzuza imikino 9 yikurikiranya iyi kipe itsindwa. Datro Fofana wageze muri iyi kipe muri Nyakanga uyu mwaka nk’intizanyo y’ikipe ya Chelsea yari yabanje mu kibuga gusa aza gusimbuzwa ku munota wa 70 w’umukino.
Ubwo David Datro Fofana w’imyaka 20 y’amavuko ukomoka muri Cote d’Ivoire yasimbuzwaga ntiyabyishimiye byatumye yanga gukora mu ntoki umutoza we Urs Fischer. Uku gusuzugura umutoza we byatumye Fofana ahagarikwa n’ikipe ye icyumweru cyose adakina, uyu musore ariko yaje gusaba imbabazi ku bw’icyo gikorwa.
