M.Ben
Umwataka w’umunyarwanda Issa Bigirimana yatandukanye n’umukunzi we Uwase Carine bari bagiye gukorana ubukwe.
Muri 2019 nibwo Issa Bigirimana yambitse impeta uyu mukunzi we bamaze gutandukana, bikaba byarabaye nyuma y’iminsi mike urukundo rwabo rugiye ahagarara.
Mu kiganiro uyu rutahizamu yagiranye na ISIMBI dukesha iyi nkuru, yemeje ko hashize igihe atacyiri mu rukundo na Carine yambitse impeta muri 2019.
Ati “nibyo twaratandukanye, ntabwo ibyo twapfuye ari ngombwa kubivuga mu itangazamakuru gusa hashize igihe […] umwaka ushize mu kwezi kwa 8.”
Issa Bigirimana yakomeje avuga ko yatandukanye n’uyu mukobwa yari yaramaze gufata itariki y’ubukwe, dore ko bwari biteganyije kuba mu mpera z’umwaka ushize.
Ati “ubukwe bwari hafi, bwagombaga kuba tariki ya 1 Ugushyingo 2021.”
Issa Bigirimana yemera ko igihe yamaranye na Carine cyose, yamubereye umwana mwiza dore ko nta kintu na kimwe amushinja.
Issa Bigirimana avuga ko gutandukana kwabo bombi habayeho kudahuza hagati y’abo bahita bafata icyemezo cyo gutandukana
Issa Bigirimana yatandukanye na Carine bamaranye imyaka itatu bari mu rukundo ndetse bari bari no mu myiteguro y’ubukwe. Issa Bigirimana akaba yaramamaye mu Rwanda ubwo yakinaga mu ikipe ya Apr Fc.
