Umwataka wifuzwaga na Rayon Sports yamaze kumvikana n’indi kipe ikomeye

Umwataka wifuzwaga cyane na Rayon Sports yamaze kugirana ibiganiro n’umuyibozi mukuru mu ikipe ya KCCA yo mu gihugu cya Uganda.

Cesar Manzoki wifuzwaga cyane na Rayon Sports yagaragaye ari kugirana ibiganiro na Anisha Muhoozi Shahir umuyobozi mukuru wa KCCA.

Mu minsi yashize nibwo twababwiye inkuru y’uko uyu musore yari yagiye muri Tanzania kuganira na Simba, nyuma yo kuva muri Tanzania yahise asubira muri Uganda kuganira na KCCA.

Ibiganiro na Simba SC ntago byagenze neza aho ibinyamakuru byo muri icyo gihugu bavuga ko uyu musore ukina asatira yagoye bikomeye ikipe ya Simba SC.

Ubwo Cesar Manzoki yahuraga na Anisha Muhoozi Shahir bumvikanye ko azabasinyira imyaka igera kuri ibiri.

Ku rundi ruhande mu ikipe ya Vipers uyu musore yakiniraga irashaka kumwongerera amasezerano gusa ariko we ntabikozwa.