Umwana w’umukobwa w’imyaka 9 wiga mu mwaka wa kane w’amashuri abanza i Kigali yegukanye umudali wa zahabu n’igikombe yakuye muri Nigeria

Umwana w’umukobwa w’imyaka icyenda witwa Gakumba Ishya Daisy Gaelle wiga mu mwaka wa kane w’amashuri abanza muri GS APACOPE iri i Kigali yegukanye umudali wa zahabu n’igikombe yakuye muri Nigeria.

Gakumba Gaelle yegukanye ibi bihembo nyuma yo kuba uwa mbere mu irushanwa ryo kubara vuba bita (Abacus), ryabereye muri Nigeria.

Iri rushanwa ryitabiriwe n’abana 450 baturutse mu bihugu byose bya Afurika birimo n’u Rwanda bikaba byarahagariwe n’abana bane, rirangira umwana w’umunyarwanda ariwe uhize abandi.