Umwana w’imyaka 2 yarasiwe mu modoka ahita yitaba Imana

Umwana w’imyaka 2 n’abandi bantu 2 barashwe bahita  bitaba Imana ,mu gihe abagera kuri ba 4 bakomerekeye muri iryo raswa ryabereye muri Leta ya California mu ijoro ryo kuri uyu wa gatandatu tariki 28 Mutarama 2023.

Inkuru dukesha ikinyamakuru CBS News ivuga ko uku kuraswa kwabaye nyuma ya saa munani n’iminota 30 z’ijoro ,hanze y’umujyi wa Beverly Crest  uturanye neza n’umujyi wa Los Angeles ,aho ngo abantu 3 barashwe bagahita bitaba Imana bari mu modoka ,mu gihe abandi 4 bakomerekejwe niryo raswa bari bahagaze ku muhanda .

Uretse abo bapfuye ,amakuru avuga ko abandi bantu bose bakomerekejwe n’uku kurasana ,bahise bajyanwa mu bitaro kwitabwaho ,cyane ko ubuzima bwabo butameze neza.

Kuva umwaka watangira ,iyi ni inshuro ya 16 mu mujyi wa Califonia humvikanye ukurasana ,abaherukaga kuraswa akaba ari abantu 11 barashwe ku itariki 21 Mutarama 2023.

Kugeza kuri ubu amakuru akaba avuga ko ntawuzi neza imyirondoro y’uwarashe ,cyane ko kugeza ubu atari yagafatwa