Umwana w’imyaka 17 yazukiye mu buruhukiro habura amasaha mbarwa ngo ajyanwe gushyingurwa

Umwana w’umukobwa w’imyaka 17 wo mu gace ka Apac muri Uganda yazukiye mu buruhukiro mu gihe abaganga bari batangiye ku mukorera ibizamini bya nyuma byerekana icyamuhitanye kugira ngo ashyingurwe.

Ibitangazamakuru byo muri Uganda bivuga ko uyu mwana uvuka mu gace ka Arocha mu Mujyi wa Apac, yitabye Imana nyuma yo gukubitwa n’abaturage azizwa ko yibye igitoki.

Ubwo uyu mwana w’umukobwa yari agejejwe mu buruhukiro, abaganga batangiye gufata ibizamini kugira ngo hamenyekane icyamwishe ariko baza gutungurwa no gusanga ari muzima.