Umwana w’imyaka 17 wari umaze iminsi ashakishwa yatawe muri na RIB akekwaho gusambanya umwana mugenzi we

Mu karere ka Rusizi hafunzwe umwana w’imyaka 17 akekwaho gusambanya umwana mugenzi we.

Uyu mwana wahinduriye izina (Kasha) yafatiwe mu murenge wa Gikundamvura, Akagari ka Kizura, ho mu mudugudu wa Mubera, ku mugoroba wo kuri uyu wa 02 Ugushyingo 2023.

Umunyamanga nshingwabikorwa w’umurenge wa Gikundamvura, Baziki Yusufu yabwiye Rwandanews24 dukesha iyi nkuru ko ayo makuru ari ukuri.

Ati “Nibyo koko uriya mwana twasabwe na RIB kumufata, ni umuturage wa Gikundamvura, natwe twamubashyikirije n’ubwo tutamenyeshejwe icyo bamushakira.”

Amakuru avuga ko uyu mwana yashakishwaga na RIB Sitasiyo ya Muganza, aho akekwaho gusambanya.

Kuri ubu afungiwe RIB Sitasiyo ya Muganza.

Twagerageje kuvugisha, Umuvugizi w’Urwego rw’Igihugu rw’Ubugenzacyaha RIB, Dr. Murangira B. Thierry ntibyadukundira.