Umwana w’imyaka 15 yafashe igare ava Nyagatare ajya i Kigali gushaka se none yaburiwe irengero

Umwana w’imyaka 15 wari ku igare atembera bakeka ko yafashe inzira ajya gushakisha se wibera mu mujyi wa Kigali kandi atazi aho aherereye.

Mu gitondo cyo kuri uyu wa Gatandatu tariki ya 21 Ukwakira 2023 ni bwo hakwirakwijwe ubutumwa ku mbuga Nkoranyambaga bwasabaga abazikoresha ko uwabona umwana w’imyaka 15 witwa Nizeyimana Joshua yabimenyesha umuryango we kuko yaburiwe irengero ari ku igare yarimo gutemberaho.

Itangazo ryashyizwe ku mbuga nkoranyambaga riragira riti “Mwaramutse, turarangisha umwana w’umuhungu witwa Nizeyimana Yosuwa wabuze guhera ejo saa cyenda z’amanwa yahagurutse, Mimuri, Nyagatare yerekera mu Rukomo-Kigali n’igare.

Ni umwana w’igikara w’imyaka 15, yavuye mu rugo avuga ko agiye i Kigali. Uwamubona n’igare yamufata agahamagara: 0788252800, 0788529296, 0784223733. Mudufashe gushakisha mwohereza mu magurupe yose mubamo no ku mbuga zose murakoze”.