Umwana w’imyaka 11 yarasiwe mu cyumba cye

Umukobwa w’imyaka 11 yarasiwe mu cyumba cye muri leta ya Georgia kuwa kabiri hagana saa saba z’ijoro ahita yitaba Imana nk’uko ikinyamakuru The New York Post dukesha iy’inkuru kibivuga.

Iki kinyamakuru kivuga ko iperereza rito ryakozwe ryasanze uwarashe umwana ari  Kionta Parks w’imyaka 22 wari uherutse kurasa abandi bantu muri Gashyantare ku itariki 14 icyakora ku bw’amahirwe ntihagira uwitaba  Imana , kugeza ubu uyu musore akaba ari gushakishwa.

Uyu mwana w’umukobwa utigeze umenyekana imyirondoro ,cyane ko hategerejwe abo mu muryango we basanzwe babarizwa muri leta ya Louisiana , ngo yigaga mu mashuri abanza ,  akaba yararashwe asinziriye ,uwamurashe amurasiye  mu idirishya ry’icyumba cye.