Umva ko Rayon yihambira kayibayeho! APR FC yamaze kubona abakinnyi 3 bakomeye b’abanyamahanga izakoresha umwaka utaha

Ikipe ya APR FC, umuyobozi wayo Lt. Gen Mubarak Muganga yatangaje ko iyi kipe umwaka utaha w’imikino izaba ikoreshwa abakinnyi b’abanyamahanga.

Iyi Politike yo gukinisha abakinnyi b’abanyarwanda, ikipe ya APR FC iyimazemo imyaka igera ku 10 ariko muri iyi myaka yose usibye gutwara ibikombe cyo mu gihugu imbere yajyaga hanze mu mikino nyafurika igatsindwa isuzuguwe cyane ariyo mpamvu yatumye uyu muyobozi yemeza ko bagiye kugarura abakinnyi b’abanyamahanga bazajya bayifasha mu mikino nyAfurika.

Amakuru YEGOB yamenye ni uko iyi kipe ya APR FC kugeza ubu yamaze kubona abakinnyi 3 b’abanyamahanga izakoresha umwaka utaha kandi ngo ibiganiro nabo bigeze kuri 80% kugirango bibe birangiye. Aba bakinnyi ikipe ya APR FC yatangiye kuganira nabo ibakuye mu makipe yakinnye igikombe cy’Afurika cy’abakina imbere mu bihugu byabo ‘CHAN’ giheruka kwegukanwa na Senegal.

APR FC ikomeje iki gikorwa cyo kugenda ishaka abakinnyi impande ni mpande kandi bakomeye, niyo ikiyoboye urutonde uyu mwaka w’imikino n’amanota 49 ikurikiwe na Kiyovu Sports n’amanota 47 hamwe na Rayon Sports ifite amanota 46.