Umuzamu wa Rayon Sports ndetse n’uwa APR FC bakomeje kugarukwaho cyane nyuma y’amakosa akomeye bakoze

Hakizimana Adolphe ndetse na Ishimwe Jean Pierre bose bari mu ikipe y’igihugu y’u Rwanda y’abatarengeje imyaka 23 barimo kugarukwaho cyane nyuma yo gutanga bimwe mu bitego amakipe yabo yatsinzwe muri iyi wikendi.

Kuwa gatandatu ikipe ya Rayon Sports yakinnye na Marine FC naho ku cyumweru ikipe ya APR FC ikina na Rwamagana City zose ziza no kwitwara neza zitsinda imikino yazo ku bitego 3-2.

Muri iyi mikino aya makipe ahanganye yakinnye, gutsinda ntabwo ari inkuru cyane ahubwo icyagarutsweho cyane ni amakosa aba bazamu bayo bakoze ubona ko atari akwiye abazamu bakunze ari nayo yatumye izi kipe zinjizwa ibi bitego byose.

Byatangiye kuwa gatandatu umuzamu wa Rayon Sports Hakizimana Adolphe atanga igitego ku mupira yagombaga gutera n’umutwe yarangiza akaza ku wihera umukinnyi wa Marine FC Gitego Arthur nawe ntiyazuyaza ahita atsinda igitego cya 2.

Ku munsi ukurikiyeho n’umuzamu wa APR FC yakoze amakosa nk’ayo nawe yihera kado ikomeye cyane umukinnyi wa Rwamagana City atsinda igitego cya 2 cy’iyi kipe.

Ibi aba bazamu bose aya makosa bakoze yavugishije benshi bakurikirana umupira w’amaguru hano mu Rwanda kandi ari ibintu bitakagombye kubaho cyangwa gukora naba bakinnyi bitewe n’ubunararibonye bafite.