Umuyobozi wa APR FC yagize icyo abwira abakunzi b’iyi kipe bababajwe bikomeye nuko Rayon Sports yabatsinze

Umuyobozi wa APR FC, Lt Gen Mubarakh Muganga yihanganishije abafana ba APR FC, bayibaye inyuma ku mukino yatsinzwemo na Rayon Sports igitego 1-0 ku wa 12 Gashyantare 2023.

Igitego kimwe rukumbi cyabonetse muri uyu mukino w’Umunsi wa 19 wa Shampiyona, cyinjijwe na Ngendahimana Eric, ariko impaka zikomeje kuranga abakunzi b’umupira w’amaguru ni ukutemeranywa ku kuba umupira wararenze umurongo.

Nyuma y’uyu mukino kandi, bamwe mu bafana ba APR FC basagariwe ubwo bari mu nzira bataha, imodoka zimwe barimo ziterwa amabuye, byatumye hari abakomereka.

Mu butumwa yageneye abafana, Lt Gen Muganga yihanganishije abagiriwe nabi, abizeza ko inzego zibishinzwe zizabaha ubutabera.