“Umutware wanjye, Papa Kwanda” Umuhanzi Clarisse Karasira yatakagije umugabo we na Nyirabukwe wamubyariye umugabo wagize isabukuru

Umuhanzikazi ukunzwe mu cyane mu Rwanda no hanze mu ndirimbo gakondo, Clarisse Karasira yatakagije umugabo we ku isabukuru ye y’amavuko.

Abinyujije ku rukuta rwe rwa Instagram, Karasira yasohoye amafoto ari kumwe n’umugabo we ndetse n’umwana wabo aho yahise amwifuriza isabukurunziza y’amavuko.

Yagize ati: “Bakundwa uyu munsi ni isabukuru y’umutware wanjye Papa Kwanda.”

Akomeza agira ati: “Hashimwe Imana imurinda  kandi imuhezagize n’umugisha wayo. Hashimwe nyinawumuntu Nyamakamba, akaba rugori rwera rwakirana buzuba wamwibarutse, amurera atiganda akamufureba akamuheka amurora ataguza amukunda yaguka.”

Asoza agira ati: “Isabukuru nziza y’amavuko ku mugabo nkunda.”