Umutoza w’ikipe y’abagore yo mu Rwanda yafunzwe acyekwaho icyaha cyo gusambanya abakinnyi atoza

Umutoza w’ikipe ya Nyagatare Women Football Club, Rukara yatawe muri yombi acyekwaho icyaha cyo gusambanya abakinnyi atoza.

Mu gitondo cyo kuri uyu wa Gatanu tariki 10 Gashyantare 2023, nibwo Radio Fine FM yatangaje ko Rukara wari umutoza wa Nyagatare Women FC yamaze gutabwa muri yombi.

Umuyobozi w’ikipe ya Nyagatare Women FC yavuze ko nta makuru menshi bari bamenya ku kibazo cy’uyu mutoza ukekwaho icyaha cyo gusambanya abakobwa yatozaga, gusa uyu muyobozi yemeje ko uyu mutoza ari mu maboko y’ubugenzacyaha.