HARAGIRIMANA Dieudonne
Umutoza w’ikipe ya Sunrise FC Seninga Innocent, yahagaritswe igihe cy’iminsi 15 n’umwungiriza we nyuma y’umusaruro nkene amaze iminsi atanga.
Hashize igihe abakurikira umupira w’amaguru bavugaga ko uyu mutoza ashobora kwirukanwa nyuma y’igihe byavugwaga ko agenda atanga amanota uko yishakiye kandi ubuyobozi bwa Sunrise FC bwarashakaga ko iyi kipe iba ikipe ihangana cyane.
Aya makuru yo guhagarikwa kwa Seninga Innocent na Canavalo umwungiriza we byakoze mu ijoro rya cyeye, Aho byakozwe mu nama yamaze akanya kanini yari yahuje ubuyobozi bw’ikipe ndetse n’ubuyobozi bw’akarere ka Nyagatare basuzuma uko iyi kipe irimo kwitwara kugirango hagire igihinduka.
Uyu mutoza ntabwo yatangiye nabi ariko uku kuvugwa ko yakirukanwa byatangiye ubwo iyi kipe ya Sunrise FC yatsindwaga n’ikipe ya APR FC ibitego 3-2 mu mukino ubanza bakamushinja ko yitsindishijwe kubera ko ngo afana iyi kipe y’ingabo z’igihugu, ariko yaje kuba ahagaritswe kugirango yitekerezeho azagaruke yarikosoye.
Ibi byaje kufatwaho umwanzuro nyuma yaho iyi kipe imaze imikino igera kuri 3 itsindwa ntano kunganya ikora. Sunrise FC yatsinzwe na Gasogi United ibitego 3 ku busa irongera itsindwa na APR FC igitego 1-0 biza gusozwa neza na Marine FC iheruka kuyitsinda ibitego 2-1.
