Umutoza wa URA FC yatangariye ubuhanga bw’umukinnyi wa Rayon Sports avuga ko afite ubushobozi bwo gukina hanze y’u Rwanda

Umutoza wa URA FC, Sam Timbe yatangariye ubuhanga bw’umukinnyi w’umunyamahanga Rayon Sports iherutse gusinyisha.

Ibi yabivuze nyuma y’umukino wa gicuti ikipe ye yaraye inganyijemo na Rayon Sports igitego kimwe kuri kimwe.

Igitego kimwe cya Rayon cyo ku munota wa 54 gitsinzwe na Rafael Osaluwe Olise ndetse n’icya Ibrahim Dada  URA FC nibyo byatandukanyije impande zombi.

Mu kiganiro n’itangazamakuru umutoza wa URA FC, Sam Timbe yatangariye ubuhanga bwa Raphael Osaluwe Olse wa Rayon Sports.

Ati: “Nashimishijwe n’umukinnyi wari wambaye nimero 7 (Rafael Osaluwe), uretse kuba yadutsinze igitego yanakoze ibindi bintu byiza, afite ubushobozi bwo gukina ku rwego rwisumbuyeho”.