HARAGIRIMANA Dieudonne
Umutoza wa Sunrise FC Seninga Innocent wemeje ko afana cyane ikipe ya APR FC yiyemeje kuza kubabaza cyane umucyeba w’ibihe byose.
Mu masaha macye ari imbere ruraba rwambikanye hagati ya Rayon Sports na Sunrise FC kuri Sitade ya Kigali I Nyamirambo ku mukino w’umunsi wa 8 wa shampiyona y’icyiciro cy’ambere hano mu Rwanda.
Ikipe ya Sunrise FC imaze icyumweru cyose ikora imyitozo ikomeye kandi ikorera ku itara kuko umukino wayo uzaba ari mu masaha y’umugoroba ari yo mpamvu kugirango abakinnyi babe bamenyereye icyo gihe umukino urabera.
Mu myitozo abakinnyi ba Sunrise ndetse n’umutoza wayo Seninga Innocent witangarije ko akunda cyane ikipe ya APR FC bavuga ko uyu mukino bagomba kuwutsinda uko byagenda kose ari nayo mpamvu bakaniye cyane uyu mukino.
Umukino uteganyijwe uyu munsi ku isaha ya saa kumi n’ebyiri z’umugoroba kuri Sitade y’i Nyamirambo amasaha meza abakunzi ba Rayon Sports bakunda cyane dore ko bavuga ko amakipe yose bagomba kujya bayatsindira ku itara.
