Umutoza wa Paris Saint-Germain yatawe muri yombi

Christophe Galtier, umufaransa utoza ikipe ya Paris Saint-Germain we n’umuhungu we batawe muri yombi na police kubera ivanguraruhu yakoreye mu ikipe yahoze ya Nice ubwo yayitozaga.

Uyu mugabo w’imyaka 58 watoxags Paris Saint-Germain mu mwaka w’imikino ushize, yatawe muri yombi , ku munsi wejo hashize kuwa Gatanu tariki ya 30 Kamena 2023, saa mbili na 45. Christophe Galtier n’umuhungu we John Valovic-Galtier ukora nk’umujyanama we batawe muri yombi kubera icyaha bakurikiranyweho cy’ivanguraruhu bakoze bakiri mu ikipe ya Nice.

Uyu mutoza n’umuhungu we barafungwa amasaha 24 ubundi bajyanwe mu rukiko cyangwa barekurwe. Iki cyaha Christophe Galtier agishinjwa n’umuyobozi bahoze bakorana ushinzwe ibikorwa bya Siporo mu ikipe ya Nice ariwe Julien Fournier.