Umutoza wa Etincelles yahishuye icyihishe inyuma y’umusaruro mubi uri kugaragara mw’ikipe

Shampiyona y’icyiciro cya mbere hano mu Rwanda yari yakomeje ku munsi wa 21 aho ikipe ya Etincelles yari yakiriye ikipe ya As Kigali zikagwa miswi ku bitego bi biri kuri bi biri.

Nyuma y’umukino wahuje ikipe ya Etincelles Fc na As Kigali ukabera kuri Stade Umuganda, umutoza wa Etincelles yahishuye impamvu abakinnyi be batari kwitwara neza nkuko bikwiye.

Umutoza  yatangarije itangazamakuru ko ubuzima bw’abakinnyi be atari bwiza,  nubwo hari ababibonera inyuma bakagira ngo mw’ikipe nta kibazo kirimo ariko siko bimeze.

Yaje guhishura ko amezi agiye kuba abiri badahembwa akaba aribyo bikomeje kubaca intege bigatuma umusaruro uba muke, gusa yavuze ko iki kibazo bakimenyesheje ubuyobizi bw’akarere buri ku gikurikirana.