HARAGIRIMANA Dieudonne
Mu ijoro ryo ku cyumweru tariki 15 Mutarama 2023 ,nibwo Arsenal yaraye yihanije Tottenham Hotspur ,mu mukino warangiye ari ibitego 2-0 .
Umukino wari urangiye neza ntakibazo ndetse ari n’itsinzi ku ruhande rwa Arsenal ,icyakora ubwo umusifuzi Craig Pawson yari avugije ifirimbi yanyuma y’umukino , Richarlison wa Tottenham Hotspur yagize gushyamirana n’umuzamu wa Arsenal Aaron Ramsdale.
Umwe mu bafana ba Tottenham wari muri sitade ku ruhande rw’izamu yakubise umugeri umuzamu Aaron Ramsdale wari umaze gutongana na Richarlison bituma havuka umwuka mubi ,ibi bikaba byaje gutuma abakinnyi n’abatoza ku mpande zombi bivanga muri iyi mishyamirano kugirango bayihoshe.
Umutoza Arteta yahise afata Ramsdale amujyana ku ruhande ,icyakora ahindukiye gato abona Granit Xhaka yatangiye gushyamirana n’abakinnyi ndetse n’abayobozi ba Tottenham ,ibyatumye asiga umuzamu aho yari amugejeje akajya gukiza Granit Xhaka wari wariye karungu.
Kuva yagera muri Arsenal muri 2016 avuye Borussia Monchengladbach,Xhaka azwi nk’umunyamujinya ndetse ibyo bikaba bimaze kumuhesha amakarita y’umuhondo 55 n’amakarita atukura 4.
Source: Sportsbible
