Social Mula
Ku mugoroba w’ejo ku wa Kane tariki 14 Nzeri 2022, shampiyona y’Icyiciro cya Mbere mu Rwanda izakomeza umunsi wayo wa gatatu aho Rayon Sports izakira Rwamagana City FC.
Uyu mukino uzatangira Saa Kumi n’Ebyiri n’igice z’umugoroba ukabera kuri Stade ya Kigali i Nyamirambo, amakipe yombi yifuza gusarura amanota atatu by’umwihariko ikipe ya Rayon Sports izaba iri imbere y’imbaga nini y’abakunzi bayo.
Mu ikipe ya Rayon Sports abakinnyi bose bameze neza uretse Ishimwe Ganijuru Elie wagize imvune ku mukino batsinzemo Police FC ku munsi wa kabiri wa shampiyona.
Abakinnyi 11 umutoza Haringingo Francis Christian ashobora kuzabanza mu kibuga
Umuzamu : Ramadhan Awam Kabwili
Ba myugariro : Mucyo Didier ‘Junior’, Nkurunziza Felecien, Ndizeye Samuel na Rwatubyaye Abdul ©.
Abo hagati : Mugisha Francois, Mbirizi Eric, Nishimwe Blaise.
Ba rutahizamu : Essomba Leandre Willy Onana, Paul Were Ooko na Musa Esenu.
Kwinjira kuri uyu mukino ahasanzwe ni 3000 Frw, ahatwikiriye ni 5000 Frw, VIP ni 10000 Frw, VVIP ni 20000 Frw.
