Umutoza Ben Moussa wa APR FC yakoze impinduka ku bakinnyi 11 azabanzamo nyuma yo kubona abakinnyi be babiri basubiye inyuma ku buryo bukomeye

Ikipe ya APR FC ikomeje kwitegura umukino w’ishiraniro izahuramo na mucyeba Rayon Sports ku gicamunsi cy’ejo ku Cyumweru tariki 12 Gashyantare 2023.

Uyu mukino uzahuza amakipe afite ibikombe byinshi mu Rwanda ndetse n’abafana benshi, uzabera kuri Stade Mpuzamahanga y’i Huye aho uzatangira Saa Cyenda z’amanywa.

Umutoza Ben Moussa mu myitozo y’ejo hashize yari afite igitekerezo cyo kuzabanza mu kibuga Ishimwe Annicet ukunda kugora Rayon Sports ndetse na rutahizamu Mugunga Yves ariko yisubiyeho azabazana mu kibuga basimbuye.

Urutonde rw’abakinnyi 11 ba APR FC bazabanza mu kibuga

Umuzamu : Ishimwe Jean Pierre

Ba myugariro : Omborenga Fitina, Niyomugabo Claude, Niyigena Clement na Buregeya Prince.

Abo hagati : Mugisha Bonheur, Ruboneka Jean Bosco na Manishimwe Djabel ©.

Ba rutahizamu : Byiringiro Lague, Bizimana Yannick na Niyibizi Ramadhan.

Ikipe y’Ingabo z’Igihugu iheruka gutsindwa na Rayon Sports tariki 21 Mata 2019, icyo gihe Gikundiro yatsinze Gitinyiro igitego kimwe ku busa cyabonetse ku munota wa nyuma gitsinzwe na Michael Sarpong kuri penaliti nyuma y’ikosa Imanishimwe Emmanuel myugariro wa APR FC yakoreye kuri Mugisha Gilbert wari mu rubuga rw’amahina.