Umutesi Lea ari mu byishimo by’akataraboneka nyuma yo kwibaruka imfura ye na Peter Nasasira

Umutesi Lea, umukobwa uri mu bagiriye amahirwe atandukanye mu kwitabira amarushanwa y’ubwiza ya Miss Rwanda 2021, yibarutse imfura.

Mu masaha macye ashize nibwo  hamenyekanye amakuru y’ibyishimo ko Umutesi Lea yibarutse umwana w’umuhungu, nyuma y’amezi agera kuri atanu akoze ubukwe.

Mu kwezi k’Ukwakira 2022 nibwo Umutesi Lea yiyemeje kubana akaramata na Peter Nasasira, bari bamaze iminsi itari micye bamenyanye.

Ibirori by’aba bombi bikaba byararanzwe n’ibyishimo byinshi by’abasore n’inkumi ziganjemo iz’ikimero gitangaje, zanyuze mu marushanwa y’ubwiza ya Miss Rwanda nka Umuhoza Pascaline, Umutesiwase Raudwa na Lynda Priya.

Umutesi Lea witabiye Miss Rwanda 2021 akaza mu bakobwa babashije kurenga amajonjora, akanagera mu mwiherero ahagarariye intara y’amajyaruguru, ubwiza bwe bwavugishije benshi icyo gihe barimo na Alikiba.