HARAGIRIMANA Dieudonne
Umuhanzi Umutare Gaby wamenyekanye cyane hano mu Rwanda kubera indirimbo zitandukanye yahimbye zigakundwa na benshi ndetse n’ibitaramo bitandukanye yakoreye hirya ni hino bigatuma yigarurira imitima y’abantu benshi akegukana atyo umubare w’abafana benshi, uyu uherutse no gukorana ubukwe mu minsi ishize na Joyce Nzere, yongeye gushimangirira urukundo rudateze kuzashira amukunda abitewe n’uko babanye ubu. Ni mu magambo Umutare Gaby yaherekesheje ifoto ye n’umugore we, Joyce, abinyujije ku rukuta rwe rwa instagram.
Nkuko bamwe mu babonye iyi foto Umutare Gaby yashyize hanze abinyujije ku rukuta rwe rwa instagram bagiye babitangaza, bagarutse ku kuvuga ku rukundo aba bombi bakomeje kugaragarizanya ndetse banashima uko babanye ubu, bavuga ko byagakwiriye kubera urugero rwiza abandi bashakanye ndetse n’abahanzi nyarwanda bitegura gushinga ingo ndetse n’abazishinze.
