Umuryango wasizwe na Nyakwigendera Yvan Buravan ugiye gukora ubukangurambaga ku ndwara yahitanye uyu musore

Umuryango wasizwe na Nyakwigendera Yvan Buravan ugiye gukora ubukangurambaga ku ndwara yahitanye uyu musore.

Umuryango ‘YB Foundation’ witiriwe umuhanzi Yvan Buravan wazize Kanseri, wateguye ubukangurambaga bwo kurwanya iyi ndwara.

Ubu bukangurambaga buzarangwa n’imyidagaduro muri rusange bukitabirwa na benshi mu byamamare nyarwanda, buzaba bugamije gushishikariza Abanyarwanda kurwanya kanseri biciye mu kubaho ubuzima bwiza no kumenya uko uhagaze.

Ku munsi wo gutangira ubu bukangurambaga, hateganyijwe ibikorwa bitandukanye birimo gupima iyi ndwara n’izindi zitandura, iki gikorwa kikaba kizatangira saa Tatu za mu gitondo.

Muri Gashyantare 2023 nibwo abavandimwe be n’abari inshuti za nyakwigendera Yvan Buravan bagize umuryango ‘Yb Foundation’, basohoye indirimbo isobanura ububi bw’iyi ndwara.

Igikorwa cyari gitahiwe, ni guhashya iyi ndwara binyuze muri ubu bukangurambaga bugomba kuzenguruka Intara zose z’Igihugu, bukaba buzatangirira mu Karere ka Bugesera ku wa 17 Ugushyingo 2023.