THIERRY Mugiraneza
Mu ijoro rya keye ubwo habaga ibirori byateguwe na Rocky byo kumurikaga firime ye ‘ Umutima w’Umusirikare’ niho Fireman yaboneye umugisha wo guhabwa amafaranga no gukorerwa Album y’indirimbo.
Iyi filime yamurikirwaga muri ParkInn Hotel mu ijoro rya keye , Fireman yayigizemo uruhare kuko indirimbo bifashishamo ari we na Sean Brizz bayiririmbye.
Ibi byatumye atumirwa ndetse ateganyirizwa umwanya wo kuririmba iyi ndirimbo afatanyije na Sean Brizz.
Ubwo fireman yarari kuririmba , Kirabiranya yamwatse ingofero atangira kuyinyuza mu bantu bagashyiramo amafaranga afasha uyu Mugabo uherutse kugira ibyago by’uko umufasha we yakoze impanuka.
Nyuma yo kumuremera amafaranga, umwe mu bayobozi ba 1:55 AM yahagurutse avuga ko bemereye Fireman kuzamukorera album ( umuzingo w’indirimbo 8).
