Umuramyi Dominic Ashimwe yateye indi ntambwe ikomeye mu buzima .

Umuhanzi w’indirimbo zo kuramya no guhimbaza Imana, Ashimwe Dominic yasoje amasomo ya kaminuza ari mu ba mbere bafite amanota meza.

Dominic Ashimwe wamamaye mu muziki uhimbaza Imana, mu ndirimbo zitandukanye nka Nemerewe kwinjira, Ndishimye, Wambereye imfura, Ashimwe, Arikumwe natwe n’izindi zahembuye imitima y’abatari bake kuva mu myaka yo ha mbere kugeza ubu.

Kuri uyu wa Gatanu tariki 10 Ukuboza 2021, ni umwe mu banyeshuri 444 barangije muri Kaminuza ya Mount Kenya, akaba asoje icyiciro cya kabiri cya Kaminuza mu itangazamakuru n’itumanaho (Mass Media and Communication).