Umunyamakurukazi yirukanywe igitaraganya kuri televiziyo yari amazeho imyaka 20 (AMASHUSHO)

Umunyamakurukazi Barbie Bassett wari umaze imyaka 20 akorera televiziyo ya WLBT yo muri leta ya Mississippi ,muri Leta Zunze Ubumwe za America yirukanywe igitaraganya kuri iyi televiziyo nyuma yo kwifashisha interuro y’umuhanzi wo mu njyana ya Hip Hop Snoop Dogg.

Interuro uyu munyamakurukazi yifashishije ni “Fo Shizzle ,My Nizzle” igereranywa nkikoreshwa n’abantu bafite irondo ruhu , uyu mugore akaba yayivuze ubwo yarimo asoza amakuru kuri televiziyo na bagenzi be , bari gutera urwenya kuri buzinesi iheruka  y’umuhanzi Snoop .

Umwe mubarikumwe na Barbie yateye urwenya asaba mugenzi wabo utagaragaraga kuri camera ,kuba yafatanya na Snoop Dog muri iyo buzinesi  ,ariko avuga ko mbere yuko babimenya azaba yarishyizeho igishushanyo (tattoo) cya Snoop Dogg ku bitugu bye.

Aha akaba ari nabwo uyu munyamakurukazi yahise amwunganira agira ati:” Fo Shizzle ,My Nizzle” ubundi iy’interuro ishatse gusobanura “Nibyo ,nshuti yanjye”, ariko ikaba itakirwa neza muri America,bitewe nuko ifatwa nk’iyibasira abirabura.

Icyakora nanone icyatunguye abakoresha imbuga nkoranyambaga ni uburyo umwe mu barimo bakorana n’uyu munyamakurukazi yahise yitwara,  ubwo ibi byari bikimara kuba,ibyagaragaje ko uyu munyamakurukazi yari akoze ibidasanzwe.