Umunyamakuru yakubitiwe aho yari yagiye gutara inkuru anamburwa ibikoresho by’akazi

Umunyamakuru ukorera Radiotv10 yakubiswe n’abakozi bakora mu ruganda Simon’s Metal Campany Ltd ubwo yari agiye gutarayo amakuru.

Uyu munyamakuru yahohotewe kuri uyu wa kane tariki ya 3 Gashyantare 2022, aho amakuru avuga ko yari agiye gutara inkuru muri uru ruganda ngo akaza kuhakorerwa ihohoterwa, arikorerwa n’abakozi bakora muri uru ruganda.

Uyu munyamakuru uzwi ku izina rya Emmanuel ngo si yahohotewe gusa dore ko ngo ibikoresho byose yari afite bahise babimwaka bakabibika muri urwo ruganda.

Guhohotera abanyamakuru bikomeje gufata indi ntera dore ko uyu atari uwa mbere uhohotewe kandi ntaga ari n’uwanyuma.

Uyu munyamakuru yaje gutabarizwa inzego z’umutekano hifashishijwe uruga rwa Twitter, aho polisi yahise imenya amakuru igatangira gukurikirana iki kibazo.