Umunyamakuru Sam Karenzi mwakunze arigendeye.

Umunyamakuru w’imikino Karenzi Sam wari umaze amezi 15 kuri Radio 10, yamaze gusezera ndetse guhera ku wa Mbere w’icyumweru gitaha, tariki ya 4 Ukwakira, azatangira kumvikana kuri Fine FM mu kiganiro gishya “Urukiko rw’Ubujurire”.

Ku mugoroba wo ku wa Kabiri ni bwo Karenzi Sam yashyize ubutumwa kuri Twitter, asezera kuri Radio 10 yakoreraga kuva muri Kamena 2020 ndetse mu mezi atatu ashize akaba yari yagizwe umuyobozi wayo.

Karenzi waherukaga gutanga iminsi 15 y’integuza, yagize ati “Ndashima Radio/TV10, ubuyobozi ndetse n’abakozi bose ntibagiwe n’abakunzi batahwemye kudushyigikira. Mwarakoze kunyizera mukampa inshingano mu bihe bitari byoroshye, ndashima akazi keza twakoze dufatanyije! Nzabahoza ku umutima. Mwarakoze.”

#Gushima: Ndashima @Radiotv10rwanda ,#Ubuyobozi ndetse n’abakozi bose ntibagiwe n’abakunzi batahwemye kudushyigikira! Mwarakoze kunyizera mukampa inshingano mubihe bitari byoroshye,ndashima akazi keza twakoze dufatanyije! Nzabahoza ku umutima. #Mwarakoze🙏 pic.twitter.com/nykJ7itu1A

— Sam Karenzi (@SamKarenzi) September 28, 2021