THIERRY Mugiraneza
Umunyamakuru Piers Morgan wagarutsweho cyane kubera ikiganiro yagiranye na Ronaldo yongeye kuvugwa ubwo yanengaga Messi ko nta cyo akora ngo ahagarike ibikorwa by’ubushotoranyi umuzamu wa Argentina akomeje gukorera Mbappe.
Nyuma y’uko Argentina itsinze Ubufaransa ku mukino wa nyuma w’igikombe cy’isi hitabajwe penaliti ikayitsinda 4-2. Emiriano Martinez umuzamu wa Argentina bageze mu rwambariro rw’abakinnyi yatangiye kuririmba indirimbo yishimira itsinzi bagize ariko nyuma asaba bagenzi be gufata umunota wo kwibuka Mbappe na bo barabimwubahira bafata uwo muto.
Kuwa kabiri ubwo abakinnyi ba Argentina bari mu karasisi ko gutembereza igikombe cy’isi mu mujyi wa Beuno Aires, Emiliano Martinez yongeye kugaragara afashe igipupe gifite ishusho ya Mbappe. Abantu benshi bakomeje kwibaza igitera uyu muzamu gusomborotsa Mbappe kandi yaramutsinze Ibitego 3 na penaliti mu mukino umwe abandi bakanenga Messi ko atabuza uwo muzamu gukora ibyo bikorwa.
Umunyamakuru Piers Morgan yagiye ku rubuga rwe rwa Twitter maze arandika ati “kuberiki Messi akomeza kureka Martinez akandagaza Mbappe kandi Messi akinana na Mbappe, ibi bigomba gucika kuko nta cyo bimaze”.
N’ubwo ibi byakomeje kuba Klyian Mbappe ntacyo yabivuzeho ahubwo we yahisemo kugaruka mu myitozo ya Paris Saint Germaine nyuma y’akaruhuko k’iminsi ibiri.
