Umunyamakuru Jado Dukuze wahabwaga amahirwe yo kubona akazi muri FERWAFA byarangiye atakabonye gahabwa undi utavuzweho rumwe

Ishyirahamwe ry’Umupira w’Amaguru mu Rwanda ‘FERWAFA’ ryamaze gutangaza ko Mutuyimana Olivier Maurice ari we watsindiye umwanya w’ushinzwe gutangaza amakuru (Digital Communication Manager).

Hari hashize igihe bivugwa ko umunyamakuru w’imikino wa Radio Fine FM, Jado Dukuze ari we uzahabwa umwanya wa Digital Communication Manager muri FERWAFA ariko byarangiye atakabonye.

Nyuma y’uko Mutuyimana Olivier Maurice ahawe umwanya muri FERWAFA wa Digital Communication Manager, benshi mu bakunzi b’umupira w’amaguru ntabwo babyishimiye bigendanye n’uko atari asanzwe afite aho ahurira n’ibikorwa bya Siporo.

Mutuyimana Olivier Maurice watsindiye umwanya w’ushinzwe gutangaza amakuru mu Ishyirahamwe ry’Umupira w’Amaguru mu Rwanda, si ubwa mbere agiye gukora aka kazi kuko yigeze kugakora mu Ntara y’Amajyepfo.